आजका युवापुस्ता, ग्राहक होस् वा व्यापारी, शिक्षक, विद्यार्थी, रोजगार देखी बेरोजगार लगायत सबैका लागी इन्टरनेटको संसार अपरीहार्य हुँदै गएको छ । इन्टरनेटमै सन्देश आदान–प्रदान गर्ने बिल बुझाउने, साथी बनाउने, तथा रोजगार खोज्ने कुरा अहिले सामान्य भइसकेको अवस्था छ । इन्टरनेटमै अबको पालो भने 'लोकल सर्च इन्जिन सर्भिस' को रहेको छ । जुन सर्भिसले विश्वको कुनै पनि कुनामा रहेको व्यक्तिलाई स्थानिय बजारका सम्पूर्ण व्यवसाय, संस्था, उत्पादन तथा अवसर लगायतको जानकारी गराउनुका साथै यो व्यवसायीहरुको "विजनेस प्रोमोसन" गर्ने उत्कृष्ट माध्यम पनि हो ।

खास गरी व्यवसायीहरुले आजका समय सम्म आइपुग्दा टि.भी., रेडियो पत्रिकाहरुमा विज्ञापन दिईरहेकै अवस्थामा पनि "लोकल सर्च इन्जिन सर्भिस" (Local Search Engine) मा पनि जानकारी राख्नु अत्यन्त जरुरी छ । किनभने कुनै व्यवसायको बिज्ञापन प्रकाशन हुँदा व्यक्तिले देशको कुनै पनि स्थानबाट कुनै पनि समयमा जानकारी पाउन भने पक्कै पनि सम्भव छैन । यस्तो अवस्थामा यदि कुनै पनि ग्राहकले व्यवसायिको फोन नंम्बर, बिजनेशको ठेगाना वा अधिक जानकारी चाहिएको समयमै खोजिरहेको छ तर पाउन सकेन भने आजका युवापुस्ता ग्राहकवर्गले असुविधा महसुस गर्न सक्छन् । अर्को महत्वपूर्ण कुरा के हो भने 'लोकल सर्च इन्जिन सर्भिस' को नेटवर्क एरियामा कुनै सिमा हुँदैन र आम परम्परागत बिज्ञापन शैलीभन्दा निकै अधिक हुन्छ । परम्पगत विज्ञापनमा व्यवसाय वा सेवाको जानकारी त्यहाँ सम्म मात्र प्रसारण हुन सक्छ, जहाँसम्म उक्त विज्ञापन स्रोतको नेटवर्क (Frequency) छ ।

हो, Local Search Engine एउटा यस्तो माध्यम हो, जहाँ संसारको जुनसुकै कुनाबाट र जुनसुकै समयमा एक क्लिकको भरमा ग्राहकले चाहेको जानकारी समयमै प्राप्त गर्नसक्छन् । अन्य माध्यम सरह निश्चित समय कुरेर बस्नु पर्दैन र त्यसमा जस्तो पैसा पनि खर्चिनु पर्दैन तथा एक पटक बिर्सेको जानकारी फेरी थाहा पाउन धेरै समय पर्खि रहनु पर्दैन ।

अत: 'लोकल सर्च इन्जिन सर्भिस' एउटा विज्ञापन प्रणाली मात्र नभई दैनिक जीवनमा प्रयोग हुने अपरिहार्य सूचना प्रविधि पनि हो ।